ICT ມ3 ບົດທີ2 ການຕິດຕັ້ງ ແລະ ການປະກອບເຄືອງ

ວິຊາ: ເຕັກໂນໂລຊີຂໍ້ມູນຂ່າວສານແລະ ການສື່ສານ ມ.3

ບົດທີ 2 ການຕິດຕັ້ງ ແລະ  ການປະກອບຄອມພິວເຕີ

V.ການຕິດຕັ້ງຄາດຂະຫຍາຍ(Expansion card)  

    ປັດຈຸບັນຄາດຂະຫຍາຍແມ່ນມີຫຼາຍຮູບແບບເຊັ່ນ:ຄາດສະແດງຜົນ(Display card),ກາດສຽງ (sound card), ໂມເດັມ (Modem), ຄາດຮັບຄື້ນໂທລະພາບ (TV tuner) ແລະ ຄາດອື່ນໆອີກເຊິ່ງຮູບແບບການຕິດຕັ້ງແມ່ນຄ້າຍຄືກັນບໍ່ວ່າຈະເປັນຄາດແບບ PCI(Peripheral Component Interconnect), ແບບPCI-Express x16

• ຄາດແບບ PCI

• ຄາດແບບPCI-Express x16

§ຄາດສະແດງຜົນ (Display Card). 

§ຄາດສຽງ(sound card). 

§ໂມເດັມ (Modem)

§ຄາດຮັບຄື້ນໂທລະພາບ (TV tuner)

       ໃນບົດນີ້ຈະໄດ້ສະເໜີການຕິດຕັ້ງຄາດສະແດງຜົນແບບ AGP

(Accelerated Graphics Port) ເປັນຕົວຢ່າງ. ດັ່ງມີຂັ້ນຕອນ ຕ່າງໆ

ຕໍ່ໄປນີ້:

ຂັ້ນຕອນທີ 1: ຊອກຫາຕໍາແຫນ່ງຂອງຄາດສະແດງຜົນຢູ່ກະດານຫຼັກ

ຂັ້ນຕອນທີ 2: ເປີດແຜ່ນເຫຼັກທີ່ກັ້ນຝາຢູ່ຫຼັງຂອງເຄສອອກໃນຕຳແໜ່ງທີ່ກົງກັບAGP  Slot. 

ຂັ້ນຕອນທີ 3: ຄ່ອຍໆວາງຄາດສະແດງຜົນລົງໄປໃສ່ສະລັອດໃຫ້ຊື່ໂດຍໃຫ້ຫັນເບື້ອງທີ່ມີພອດຕ່າງໆໄປທາງເບື້ອງຫຼັງຂອງເຄສແລ້ວຂົ່ມລົງໃຫ້ແໜ້ນ

ຂັ້ນຕອນທີ 4:ຫັນນ໊ອດຢຶດຄາດສະແດງຜົນເຂົ້າກັບເຄສໃຫ້ແໜ້ນພໍສົມຄວນ 

https://goo.gl/forms/1N1DSPE9oYf9jTJ02hບົດປະເມີນເດືອນ12
ttps://goo.gl/forms/1N1DSPE9oYf9jTJ02

https://docs.google.com/spreadsheets/d/1sBH7j_NWjAGHv-v-KZQ9RX6R6qhPdktLvY0d8wsyYx4/edit?usp=sharing ເບິ່ງຄະແນນ https://docs.google.com/spreadsheets/d/1sBH7j_NWjAGHv-v-KZQ9RX6R6qhPdktLvY0d8wsyYx4/edit?usp=sharing

ວິຊາ: ເຕັກໂນໂລຊີຂໍ້ມູນຂ່າວສານ ແລະ ການສື່ສານ ມ.3

ບົດທີ 2 ການຕິດຕັ້ງ ແລະ  ການປະກອບຄອມພິວເຕີ

 IV.ການຕິດຕັ້ງກະດານຫຼັກ

ການຕິດຕັ້ງກະດານຫຼັກເຂົ້າກັບເຄສ (CASE) ບໍ່ໄດ້ມີຄວາມຫຍຸ້ງຍາກຫຼາຍ

ປານໃດອາດຈະມີແດ່ໃນໄລຍະເຮົາຕິດຕັ້ງສາຍໄຟສຽບເຂົ້າປຸ່ມຕ່າງໆ. ລາຍ

ລະອຽດມີຂັ້ນຕອນດັ່ງລຸ່ມນີ້:

ຂັ້ນຕອນທີ1. ກະກຽມກະດານຫຼັກທີ່ຕິດຕັ້ງ ຊີພີຢູ ແລະ ໜ່ວຍຄວາມຈຳ

ຫຼັກສຳເລັດແລ້ວ ໄວ້ກັບຝາປິດເບື້ອງຫຼັງ

 

ຂັ້ນຕອນທີ 2: ກວດສອບເບິ່ງຕໍາແໜ່ງຮູນ໊ອດຢູ່ເຄສວ່າມີຕໍາແໜ່ງນ໊ອດຄົບຖ້ວນຕາມທີ່ກະດານຫຼັກຕ້ອງການ ຫຼື ບໍ່? ແລ້ວຫັນນ໊ອດຮອງກະດານຫຼັກໃສ່ກັບເຄສໃຫ້ຄົບຖ້ວນ ແລະ ຖືກ ຕ້ອງຕາມທີ່ກະດານຫຼັກຕ້ອງການ

ຂັ້ນຕອນທີ 3: ເລີ່ມຕິດຕັ້ງກະດານຫຼັກ, ນໍາເອົາກະດານຫຼັກຕິດຕັ້ງເຂົ້າໄປໃນເຄສ

ຕາມຕໍາແໜ່ງຂອງຖານຮອງທີ່ເຮົາໄດ້ຕິດຕັ້ງໄວ້ແລ້ວ. ການຕິດຕັ້ງອາດຈະຕ້ອງມີ

ຄວາມລະມັດລະວັງ ໃນເລື່ອງການວາງກະດານຫຼັກຈະຕ້ອງວາງໃຫ້ຮູນ໊ອດຢູ່ເທິງ

ກະດານຫຼັກໃຫ້ກົງກັນພໍດີ, ຫ້າມບິດ ຫຼື ຍູ້ກະດານຫຼັກໃນຂະນະທີ່ຕິດຕັ້ງເດັດຂາດ

 (ເພາະມັນຈະເຮັດໃຫ້ວົງຈອນຂອງກະດານຫຼັກເປ້ເພເສຍຫາຍໄດ້). ນອກຈາກນັ້ນ

ແລ້ວ, ຍັງຕ້ອງໄດ້ວາງໃຫ້ພໍດີກັບຝາປິດເບື້ອງຫຼັງອີກດ້ວຍ.

 ຂັ້ນຕອນທີ 4: ເລືອກນ໊ອດທີ່ໃຊ້ໃນການຢຶດຕິດກະດານຫຼັກກັບເຄສ ເຊິ່ງນ໊ອດທີ່

 ແຖມມາກັບເຄສ ນັ້ນຈະມີຢູ່ 2-3 ແບບ ຄື: ນ໊ອດສໍາລັບຢຶດຕິດກະດານຫຼັກ ແລະຮາດດີສ. ນ໊ອດສໍາລັບ ປິດຝາເຄສ ແລະ ນ໊ອດສໍາລັບຢຶດຕິດຄາດຕ່າງໆກັບເຄສ.ໃນນັ້ນ, ໃຫ້ເລືອກເອົານ໊ອດ ທີ່ໃຊ້ສໍາລັບກະດານຫຼັກ, ຫຼັງຈາກນັ້ນ, ຫັນນ໊ອດຢຶດກະດານຫຼັກໃຫ້ເຂົ້າກັບເຄສໃຫ້ຄົບທຸກອັນ, ແຕ່ໃຫ້ຫັນແຫນ້ນພໍດີເທົ່ານັ້ນບໍ່ໃຫ້

ຫັນແຫນ້ນຈົນເກີນໄປ ເພາະອາດຈະເຮັດໃຫ້ ກະດານຫຼັກເປ້ເພເສຍຫາຍໄດ້.

      ຂັ້ນຕອນທີ 5: ຊອກຫາຕໍາແໜ່ງຕິດຕັ້ງ ສາຍໄຟຫຼັກຢູ່ກະດານຫຼັກ, ໂດຍເຮົາສາມາດ ເປີດເບິ່ງໄດ້ໃນຄູ່ມືຂອງກະດານຫຼັກ, ສາຍໄຟຫຼັກຂອງກະດານຫຼັກຈະມີສາຍໄຟ 20 ຂາ ຫຼື 24 ຂາ (ATX 20 PIN/ATX 24 PIN) ແລະ ສໍາລັບກະດານຫຼັກສໍາລັບຊີພີຢູ Intel ຈະມີ ເພີ່ມໄຟອີກ 4 ຂາ (ATX 12V) ເພີ່ມຕື່ມອີກ.

ຂັ້ນຕອນທີ 6: ສຽບສາຍໄຟຫຼັກ 20 ຂາ ຫຼື 24 ຂາ ເຂົ້າກັບຊ່ອງຕໍ່ກະດານຫຼັກ, ໂດຍສັງເກດຕໍາແໜ່ງຂອງຕົວລັອກໃຫ້ກົງກັນ ແລ້ວກົດລົງໄປຄອຍໆ ຈົນກວ່າຕົວລັອກຈະເກາະກັບບ່ອນຕໍ່ຢູ່ກະດານຫຼັກ. ສຽບສາຍໄຟ 4 ຂາ ໃສ່ກະດານຫຼັກ ໂດຍສັງເກດຂາລັອກຢູ່ກະດານຫຼັກ

ຕາຕະລາງສະແດງຫົວຕໍ່ຕ່າງໆທີ່ໃຊ້ກັບປຸ່ມທາງເບື້ອງໜ້າຂອງຄອມພິວເຕີ

F ການສັງເກດຂວັ້ນສາຍໄຟ ແລະ ສາຍສັນຍານໂດຍປົກກະຕິທີ່ໃຊ້ກັບຂວັ້ນຕໍ່ຈະມີສີຕ່າງກັນເພື່ອສະແດງເຖິງຊະນິດຂອງສາຍ,ແຕ່ຈະມີຢູ່ 2 ຂວັ້ນຄື:ຂວັ້ນບວກ ແລະ ຂວັ້ນລົບ

    -ຖ້າມີສາຍເສັ້ນສີດຳ ຫຼື ສີຂາວຢູ່ຄູ່ກັບສາຍສີເສັ້ນອື່ນໆສະແດງວ່າສາຍຄູ່ນັ້ນເປັນສາຍສັນຍານໂດຍມີສາຍສີດຳຫຼືສີຂາວເປັນຂວັ້ນລົບ ສ່ວນສາຍສີເສັ້ນອື່ນໆຈະເປັນຂວັ້ນບວກ ແລະ ສາມາດຈະສຽບສະຫຼັບດ້ານໄດ້ຈະບໍ່ເກີດການຊ໋ອດ

   -ຖ້າມີສາຍສີດຳ ຢູ່ຄູ່ກັບສາຍສີແດງ ຫຼືສາຍສີເຫຼືອງ ສະແດງວ່າເປັນສາຍຈ່າຍໄຟການເຊື່ອມຕໍ່ຕ້ອງລະມັດລະວັງຖ້າສຽບຜິດດ້ານອາດຈະຊ໋ອດກະດານຫຼັກຫຼື ອຸປະກອນອື່ນໆໃຫ້ເສຍຫາຍທັນທີ 

ບົດປະເມີນຫຼັງການສອນການຕິດຕັ້ງກະດານຫຼັກ
ຄລິກໃສ່ນີ້ເພື່ອເຂົ້າສູ່ຄຳຖາມ ➤https://goo.gl/forms/C7eONMyyIa4ZfWpm1


ຄລິກທີ່ນີ້ເພື່ອເບິ່ງຄະແນນ➤https://docs.google.com/spreadsheets/d/1igNdFpScIVwOpkUk1RP40uR20oQFN0QKz4oNo_DKuCA/edit?usp=sharing







ບົດປະເມີນຫຼັງການສອນ

ການຕິດຕັ້ງໜ່ວຍຄວາມຈຳຫຼັກ

  ຄຳຖາມ   https://goo.gl/forms/a2nxQLHgE8VjwZ5q2

ເບິ່ງຄະແນນໄດ້ທີ່ນີ້  https://docs.google.com/spreadsheets/d/1jZVmFCrPFqJ-_pnMzvPdt5Svv8QMp2NX8LE0j7Z6m1Q/edit?usp=sharing