ICTຂັ້ນມໍ5

ບົດທີ1 ລະບົບຂໍ້ມູນຂ່າວສານ

III.ລະບົບຂໍ້ມູນຂ່າວສານ (Information  System)  

1.ລະບົບ 

 ລະບົບຂໍ້ມູນຂ່າວສານໝາຍເຖິງການລວບລວມອົງປະກອບຕ່າງໆມານຳເຂົ້າໂດຍຜ່ານຂະບວນການໃດໜຶ່ງທີ່ອາດນຳໃຊ້ຄອມພິວເຕີຊ່ວຍຮຽບຮຽງ, ປ່ຽນແປງ ແລະ ເກັບມ້ຽນເພື່ອໃຫ້ໄດ້ຜົນຮັບກໍ່ຄືຂໍ້ມູນຂ່າວສານທີ່ສາມາດໃຊ້ສະໜັບສະໜູນການຕັດສິນໃຈໃນອົງກອນໄດ້.

   2. ຊະນິດຂອງລະບົບຂໍ້ມູນຂ່າວສານ 

 ຖ້າຈຳແນກລະບົບຂໍ້ມູນຂ່າວສານຕາມລະດັບການບໍລິຫານພາຍໃນອົງກອນແລ້ວສາມາດແບ່ງອອກເປັນ    6 ຊະນິດດັ່ງນີ້:

     

                     

- ລະບົບປະມວນຜົນຂໍ້ມູນ(Transaction Processing System: TPS) ເປັນລະບົບສະໜັບສະໜູນການບໍລິຫານລະດັບລຸ່ມເພື່ອການປະມວນຜົນລາຍການຂໍ້ມູນ.

- ລະບົບຜູ້ຊ່ຽວຊານ( Expert System: ES) ແລະ ລະບົບສໍານັກງານອັດຕະໂນມັດ(Office Automation System: OAS) ທັງ 2 ລະບົບນີ້ເປັນລະບົບທີ່ສະໜັບສະໜູນການບໍລິຫານລະດັບໃດກໍ່ໄດ້.

- ລະບົບຂໍ້ມູນຂ່າວສານເພື່ອການບໍລິຫານ(Management Information System: MIS)ຊ່ວຍສະໜັບສະໜູນຜູ້ບໍລິຫານລະດັບກາງເພື່ອໃຫ້ຜູ້ບໍລິຫານສາມາດສ້າງຂໍ້ມູນຂ່າວສານໄດ້ຢ່າງວ່ອງໄວແລະ ມີປະສິດທິພາບ.

- ລະບົບສະໜັບສະໜູນການຕັດສິນໃຈ(DecisionSupportSystem:DSS) ແລະລະບົບຂໍ້ມູນຂ່າວສານສຳລັບຜູ້ບໍລິຫານ(ExecutiveInformation System: EIS) ທັງ 2 ລະບົບນີ້ສະໜັບສະໜູນການຕັດສິນໃຈ ແລະ ອໍານວຍຄວາມສະດວກໃນລະຫວ່າງການວາງແຜນຂອງຜູ້ບໍລິຫານລະດັບສູງ.

ບົດປະເມີນຫຼັງການສອນ III ລະບົບຂໍ້ມູນຂ່າວສານ

ຄຳຖາມ   https://goo.gl/forms/y5zkyE0uLQnCStbf1

ເບິ່ງຄະແນນໄດ້ທີ່ນີ້ https://docs.google.com/spreadsheets/d/1POqDiNQz5mu-uMHdNiPwsmG2uEB3ZKioY9X1HEwwk-k/edit?usp=sharing